طرد شاب مسيحى من عمله والسبب علامة الصيب
فادي شاب مسيحي يطرد من عمله بسبب علامة الصليب
اول مره في حياتي احس اني بكره البلد دي
لما يجي مديرك في الشغل يقولك انت متنفعش تشتغل معانا من بعد اول نص ساعه تشتغل بس بسبب انه شاف الصليب علي ايدي قولتله لو علي النزلاء اللي في الفندق انا كده كده هلبس قميص بكم فمحدش هيشوف حاجه
قالي لا انت مينفعش تشتغل معانا
بقوله ليه يعني ده انا لسه مشتغلتش اساسا يعني مشفتش شغلي عشان تحكم اذا كنت انفع ولا لا وبعدين انا عملت مقابله واتقبلت وليا اسبوع رايح جاي بصرف عشان اخلص الورق
قالي معلش مش هينفع قولتله عشان مسيحي يعني ولا ايه بالظبط
اصل لو علي ايدي محدش هيشوفها انا ولابس قميص لكن لو علشان انا مسيحي انا هتفهم كده واشكرك انك خلتني اشوف اللي غيري كان بيحصل معاه ومكنتش بصدقه
قالي لالا متحسبهاش كده قولتله لا هي كده
قالي برضه مش هينفع قولتله حتي لو هينفع انا اساسا مش عايز اشتغل في المكان ده وربنا اللي بيوزع الارزاق بس كنت عايز اقولك حاجه انا فرحان ان ده سبب عدم شغلي
اسم مدير الاغذيه والمشروبات : خالد وهو لسه متعين جديد
نقلا من علي لسان فادي اشرف