عاجل محاولة قتل الاقباط فى الشارع بسبب الصليب
النهارده كنت سايق عربيتى في شارع أحمد حلمى تحت كوبرى ابو وافيه
بالتحديد وعربية ميكروباص جايه عكس قدامى نزل التباع بيقول
للعربيات تعالوا يمين وبيشاور بإيده ناحية اليمين المهم جه عندى انا وراح
خابط على العربيه وراح قايل "يلا يا كوفتس بدين أمك" طبعا لان العربيه
متعلق فيها صليب المهم العادى انى انزل واقوله طب ليه كده بتسب
الدين فنزل السواق وقالى هو كده يا ابن ال "شتيمه" وراح ضارب العربية
برجله من الجنب روحت ابص ع الخبطه في العربيه لقيت واحد تالت
خالص معاهم جاب مفك وجاى من ورايا في مؤخرة رأسي وقالى دين
امك لدين أم الصليب وضربنى بيه في دماغى ضربتين المهم الشارع كله
واقف يتفرج عادى جدا جدا وانا دماغى بتجيب دم من ناحيتين وعاوز
اجيب حقي في نفس الوقت لقيت الواد بيدور العربيه هو والرجاله اللى
معاه وماشيين والناس بردو ساكته انا كل هدفي انى اجيب نمرة العربيه
عشان أعرف اجيبهم وجبت رقم العربيه وروحت على مستشفي الساحل
عشان رأسي المفتوحه دى وعشان اعمل محضر لازم تبقي تقرير من
مستشفي حكومه خلصت وطلعت على قسم الساحل زى أى مواطن عادى
عاوز يجيب حقه بالقانون وده رقم المحضر 6862 وفي الصوره هتلاقوا
رقم المكروباص وفي 2 من اللى وقفين قرروا يشهدوا معايا وادونى ارقام
تليفوناتهم واحد اسمه مينا وواحد اسمه محمد وانا حاطط صورتى في
البوست للتوثيق ان ده انا وانى طبعا مش هسيب حقي بس انا كتبت
عشان اوريكم قد ايه الطائفية والحقد اللى جوا الناس لمجرد انه شاف
الصليب في العربيه وبالمناسبه محمد ومينا الشهود شاهدين على اللى
حصل
#شييييير عشان نجيب حق مايكل ارمانيوس
نقلا على لسان مايكل ارمانيوس  

إرسال تعليق Blogger

ملحوظة: يمكن لأعضاء المدونة فقط إرسال تعليق.

 
Top