الغيرمستطاع عندالناس مستطاع عندالله
معجزه ينشرها الراهب كاراس المحرقى حدثت مع والده فنانه غير مسيحيه ومشهوره جدا ببركة شفاعة العذراء مريم وهى الفنانه الهام شاهين 
فنشر نصيا وقال ((العذراء مريم تشفي والدة الفنانة إلهام شاهين
في لقاء للفنانة إلهام شاهين على البرنامج اللبناني " أنا والعسل "، روت معجزة شفاء العذراء لوالدتها، وهذا هو الحوار:
المذيع: أنتِ إنسانة مسلمة بس عندك انفتاح ديني، للعدرا مكانة خاصة عندك.
إلهام: طبعاً، جداً، ولو معايا الشنطة بتاعتي دلوقتي كنت هتلاقي صور للعدرا، ولا يمكن أمشي في مكان ميكنش معايا صورة العدرا، ولا في عـمري مـرّة نستها. 
المذيع: عندك في البيت صورة للعدرا؟


إلهام: أيوه طبعاً، كتير مش واحدة، كل مكان في البيت أنا عندي العدرا، أنا بحس كمان إن العدرا بتاعتنا نحن المسلمين أكثر من المسيحيين، المرأة الوحيدة التي لها صورة باسمها في القرآن هي مريم، وفي القرآن مكتوب واصطفاها على نساء العالمين، يعني ربنا اختارها فوق كل نساء العالمين، إللي قرأ القرآن مظبوط وإللي فاهم دينه مظبوط، مش في حد عامله غسيل مخ، هيعرف أد أيه العدرا قيمة عظيمة جدّاً للبشرية كلها.
المذيع: عند المسيحيين العديد من القدّيسين، وكل قدّيس شفيع لمجموعة من المؤمنين، القدّيس مار شاربل بتزوريه؟
إلهام: بزوره، وأكثر مكان بحس فيه براحة نفسيّة، لمّا بطلع عندكم الجبل وأزور القدّيس مار شاربل، وفي أوقات دعيت من قلبي بكل الصدق في حاجات، يمكن أنا كنت في مأزق كبير، أو بدعو بالشفاء لحد عزيز عليَّ أوي وتحقق، وبعتبر دا معجزة.
المذيع: ووالدتك!
إلهام: حصل مع ماما معجزة، حدث مش طبيعي.
المذيع: شو إللي صار؟
إلهام: أنا كنت هنا بسجل برنامج في بيروت، وماما كانت مريضة جدّاً، ونايمة في السرير متقدرش توصل لغاية الحمّام، ودعيت من قلبي لأمّي المريضة بالشفاء، وأنا بحس إن دا بيت من بيوت الله، وأنا بطلب من ربنا، يعني في الآخر أنت بتطلب من ربنا في مكان طاهر، فحسيت في اللحظة دي إني قريبة من ربي وصادقة جدّاً، وفوجئت في اليوم التالي الصبح بسؤال من ماما: أنتِ كنتِ فين إمبارح؟ فقلت لها؟ ليه؟ قالت: حسيت حاجة بيني وبينك وحلمت حلم غريب مش عارفة إن كنت نايمه أم صاحيه، وماما لا تؤمن بالكلام دا خالص، ماما ست محجّبة وكل سنة تعمل عمره واثنين وثلاثة، وحجّت أكثر من مرّة، وطول الوقت قاعدة بتصلي، يعني ماما نقدر نقول مسلمة متعصّبة جداً للإسلام.
قلت لها: إحكيلي، وأنا أقول لكِ أنـا كنت فين إمبارح.
قالت: حلمت إني أنا بيتعملي عملية، وشايفه العدرا قدّامي، شايفة نور على الحيطة بتاعة الأوضه، شايفه وش العدرا منوّر على الحيطة بالليل، وحاسه إنّي كنت صاحيه وبعدها عيني راحت في النوم وحلمت إني بيتعملي عملية في الكيس الدهني في وجهي.
وفي الحلم شافت حد بيمسح لها بقطنه في وجهها وبينزل لون أبيض زى اللبن، وفي الصباح استيقظت ودخلت الحمام لتستحم، وعندما نظرت في المرآة لم تجد الكيس الدهني، وبعدين هي مكنتش بتتحرّك فتحرّكت وقامت، وقد رأت أثر لحقنة مخدرة، وناس هتقول دا كلام مش طبيعي، ولكن فعلاً حصل، ولقت مكان الحقنة المخدّرة لون أزرق ونادت لزوجة ابنها إللي معاها في البيت وقالت لها: شوفي أيه دا؟ فقالت: دي حقنة أخذتى حقنة امتى يا طنط؟! أنا دعيت إن أمّي تشفي، بس أنا مش متخيّلة إن الكلام دا ممكن يحصل وبالسرعة دي
المذيع: بعض المشاهدين إللي بيسمعوا هيقولوا: كيف إنك مسلمة بتحكي اليوم عن القدّيسين المسيحيين؟
إلهام: في القرآن مكتوب المؤمن من آمن بالله وكتبه ورسله لو عايز يقول تؤمنوا بكتاب واحد ورسول واحد كان قال لنا دا في القرآن((
وكانت الردود عليه Quein Angela الكلام ده حقيقي وانا سمعت هذا الحوار بالتفصيل في برنامج انا العسل وشده إيمان الفنانه الجميله الهام شاهين هو السبب في سرعه الاستجابه 🌹علي فكره الست العذراء بتعمل معجزات كثيره للاخوه المسلمين روحوا شوفوا دير درنكه بأسيوط ايام الاحتفالات بعيد العذراء اغلب الذوار من المسلمين شفاعتك ياام النورتكون معنا أمين
🌹
🌹

سلام الرب عليكي يا ام النور شفاعتك يا ام النور

إرسال تعليق Blogger

ملحوظة: يمكن لأعضاء المدونة فقط إرسال تعليق.

 
Top