recent
أخبار ساخنة

بلاغ لوزير الصحة.. الطفل بيير دخل لإجراء جراحة لحمية خرج في غيبوبة تامة وهذه هي المستشفى




نشر أمير تادرس، فيديو لطفل صغير يدعى بيير زكريا ملاك عمره 4 سنين، دخل يوم السبت 17 فبراير 2018 يعمل عملية لحمية في مستشفى زيزينيا الخاص – الإسكندرية لصاحبها د. كمال عبد الله و مديرها د. سمير توما، ليخرج من العملية في حالة غيبوبة منذ هذا التاريخ.   وأضاف في فيديو نشره عبر حسابه بالفيسبوك، خرج من العملية مش فايق، واللى اتقال لأهله انه هيفوق كمان شوية، بعد دقايق جات الممرضة تانى و شدته بسرعة على أوضة العمليات، وقالت انه حصل له ازرقاق ..بعد ساعة تقريبًا أهله عرفوا أنه قلبه وقف، بعد ما رجع العمليات المرة التانية.. والمستشفى أدخلته العناية المركزة، وكان الملاك في غيبوبة وفاقد للوعي ..ومصاب بتشنجات كثيرة في كل أنحاء جسمه بسبب حدوث تلف مدمر بسبب نقص التروية ونقص الأكسجين لفترة تصل إلى 25 دقيقة ..ودا اللى وضحته أشعة الرنين المغناطيسي، وبعد حوالي أسبوع المستشفى حولته لمستشفى تانية بحجة وجود عناية مركزة للأطفال هناك، وبسبب الإهمال المفرط خلال الفترة دي في مستشفى زيزينيا، حصلت التهابات و تورمات شديدة فى الحلق والحنجرة ..مما أدى الى ضرورة عمل عملية شق حنجرى ..وتركيب أنبوبة معدة ..لأنه ما زال فاقد للوعى حتى اللحظة.   وتابع، دلوقتى مر شهرين و أهل بيير مايعرفوش مصيره، حتى الدكاترة بيقولوا إن مفيش حاجة زيادة يقدروا يعملوها ..المشكلة بقى إن المتسببين فى دة لسة بيمارسوا مهنتهم وعايشين عادى خالص.   مليون سؤال للدكاترة ..ليه الدكتور يعمل العملية فى مستشفى مافيهاش تجهيزات للأطفال؟ ليه دكتور التخدير ماختبرش حالة الملاك بيير قبل العملية؟ العملية التي وقفت حياة بيير ..اتعملت فى مستشفى زيزينيا الخاص ..على ايد د. عزت فهمى – أنف و أذن و حنجرةوهو اللى جاب دكتور التخدير د. بولس حنا.   واختتم بقوله، لازم منسكتش وندور على كل حق بيضيع ..مش معنى انك بتتفرج وبتقرا دلوقتي، انك بعيد عن المشكلة دى ..يا عالم الدور الجاى على مين ..أوقفوا المهزلة .. بنشرها للرأى العام ..يمكن نرجع تانى ..لزمن الضمير اللى بيتحكم فى كل تصرفاتنا.

google-playkhamsatmostaqltradent