عاجل الحقيقه الكاملة للشهيد ماثيو سمير حبيب
عاجل
الحقيقه كاملة 👇
للشهيد
ماثيو سمير حبيب شاب من قرية بلوط "كوم حريز" عنده 22 سنة ، زي كل ولادنا واخوتنا راح سلم نفسه للخدمة العسكرية عشان يدفع ضريبة الوطن ويخدم بلده قبل ما يخدم نفسه او يفكر فى مستقبله .
جه توزيع ماثيو فى الجيزة ومنها للخدمة فى نادى قصر الاهرام اللى فى شارع الهرم كان قائد المكان عقيد اسمه ايمن محمد احمد الكبير .
العقيد ده كان بيعامل ماثيو معاملة فى منتهى السوء و الولد صابر ومسلمً امره لربنا لحد ما الضغط زاد والولد الصغير عبر عن خنقته من المعاملة اللى بيعاملهاله العقيد المتطرف
#طلقتين فى جسم ماثيو انهوا حياته والعقيد سجل الامر على انه انتحار , اى محامى لسه خريج فاهم كويس اوى ان مفيش انتحار بطلقتين واللى بينتحر مبيضربش نفسه مرتين .
الجثمان وصل لاهل الولد فى مركز القوصية قرية بلوط محافظة اسيوط وطلبوا من الاب استلام ابنه والتوقيع على انه انتحر وبعد الاب ما اتصل بمحامين كتير منهم مستشار محترم قاله متقبلش استلام الجثة لكن تحت الضغوط الاب استلم ابنه .
العقيد بيمارس كل الضغوط دلوقت عشان الموضوع يتقفل والكل معتمد على ان زحمة الانتخابات والرقص قدام اللجان هاينسي الناس ماثيو ودمه وحقه .
مجموعة من الشباب الصغيرين اصحاب ماثيو عاملين حملة ان الناس تفتكره دايما وتكتب على صفحاتها "#ماثيو_اتقتل_مانتحرش"
انا بوصل صوتهم ليكم وبتمنى توصلوا انتوا كمان صوت دم اخيكم الصارخ الى الرب من ارض الذل والاضطهاد.
ودى قصة شهيدنا ماثيو ...