هذا ما كتبته الأب مجدي علاوي على صفحة سعادة السماء:
مشوارنا يا ولادي… بلّش بلفتة كرامة…
كل يلي منعرف نقولوا: “معقول ولد قتل بيّو؟… معقول ولد سرق؟… معقول ولد اغتصب؟…
بس ولا مرة سألنا ليه؟ بكل بساطة… لأنو ما صرلو فرصة يتعلّم…
اليوم نحنا عم نتحضّر لنفتح مدرسة مجانية ل ١٢٠٠ ولد… قبل الضهر مدرسة عادية وبعد الضهر مهنية…
اليوم… رح نشتغل تنأسس جيل كلو كرامة وثقافة… تنلاقي بكرا أحلى…
كلفة الولد الواحد علينا ٥٢٧$… بس ما بيهمّ… لأنو ولا مرة من ١٠ سنين لليوم الأرقام خوّفتنا…
يسوع ولا مرة تركنا… بكل بساطة لأنكن هون حدنا وولا مرة تركتونا…
منطلب من كل بنك بكل فروعو… من كل شركة… من كل مؤسسة… من كل شخص قادر يحط فلس الأرملة… يساعدنا تنخلي هالحلم يصير حقيقة…
منطلب من فخامة رئيس الجمهورية اللبنانية العماد ميشال عون يتبنى كم ولد من هالولاد، منطلب من رئيس الحكومة ومن رئيس مجلس النواب، من كافة المرشحين ورؤساء البلديات والمخاتير، من قائد الجيش والدرك والأمن العام، منطلب من رؤساء الأحزاب اللبنانية كافة ومن كل الرعايا والوسايل الإعلامية، منطلب من كل الفنانين والممثلين والرياضيين كافة يتبنوا ولاد من ولادنا، لأنو دعمُن بيجسّد رسالتُن بالمجتمع اللبناني.
ومنطلب من الكل يشاركونا الدعاء والصلاة تنعمّر مجتمع من القاعدة الزغيرة… تيكون عنا لبنان أجمل ومستقبل أجمل…
ساعدونا وادعمونا… الحب بيبتدي بلفتة زغيرة…
وبشكركن من كل قلبي… والله يآجركن يا ولادي!
الأب مجدي علاوي خادم جمعية سعادة السماء
للتبرّع:
http://www.bonheurduciel.com/en/donation