-->
U3F1ZWV6ZTIxMjgyMDQ4NDQwX0FjdGl2YXRpb24yNDEwOTYyNDc2MTM=
recent
أخبار ساخنة

معجزة رائعه مــارجرجس...يقبض على الشبان ويقودهم لقسم الشرطة ويــعيد عمة أبونا يعقوب سليم

مارجرجس.يعيد عمة أبونا يعقوب سليم كاهن كنيسة العدراء ب كفر سليمان
بطنطا ويقبض على الشبان ويقودهم لقسم الشرطةمعجزة رائعة لآمير الشهداء
. المعجزه دي زي ما ابونا يعقوب سليم كاهن كنيسه العدرا كفر سليمان طنطا حكاها في نهضه امير الشهداء القديس العظيم مارجرجس بالمنصوره بمناسبه عيد تدشين الكنيسه
بيحكي ابونا وبيقول
+ كان فيه كاهن راح قسم البوليس علشان يحل مشكله احد ولاده وبعدين
بعد ماخلصت المشكله وهو مروح بيته في الطريق كان فيه 4 شبان غير مسيحين فلما شافوه


قالوا تعالوا نعاكس الكاهن دا فقربوا منه واعترضوا طريقه وخطفوا العمه من علي راس ابونا وقعدوا يتبادلوها بينهم وبين بعض وابونا يحاول ياخدوها وهما بيرموها لبعض كانها كوره بيلعبوا بيها وابونا قعد يقولهم :
+ ياولد هات عمه ربنا يسوع المسيح يا ولد
وهما مفيش فايده لحد ماابونا روح من غير العمه وكان زعلان خالص .
+ اول ما تدخل بيت ابونا كان عامل في مدخل الشقه مقصوره لمارجرجس فراح وقف قدام الصوره ودار بينهم هذا الحوار
+ ايوا يا خويا راكبلى علي حصان وبارملى شنبك وقال ماسك في ايدك حربه قال وسايب العيال يخطفوا مني العمه مش قادر تمسكهم طب ادي القننديل بتاعك (هووووووووووف ) طفي ابونا القنديل وراح قايل طب ايه رايك مش هانور القنديل بتاعك الا لما تمسك العيال دول وتجيبلي العمه بتاعتي
ودخل ابونا ينام وبعدين بعد شويه لقي الباب بيخبط راح يفتح لقي ناس من قسم البوليس بيقلوله تعالي دلوقتي راح ابونا قالهم
تاني منا لسه كنت عندكم قالوله لازم تيجي حالا وفعلا نزل ابونا معاهم وراح القسم ولما وصل وجد الاتي
لقي 4 شبان مقبوض عليهم والعمه بتاعته علي مكتب الضابط والضابط قاله احناقبضنا عليهم فابونا سال ازاي قبضتوا عليهم رد الظابط وقاله
+ فيه ضابط مسكهم وجابهم هنا راح ابونا علي الواد وراح ضربه وقايله مش قلت لك ياواد هات عمه ربنا يسوع المسيح ياولد
بعدها بمده الولد اللي كان ضربه ابونا جاتله حاله نفسيه وكان طالب في الجامعه وعنده امتحانات ومش عارف يذاكر وحكي لوالدته وقالها الشيخ بتاع المسحين غضبان عليا راحت والدته اخذته لست طيبه جارتهم مسيحيه وحكت ليها الموضوع فالست الطيبه قالت دا ابونا طيب خالص تعالي معايا هانروح ليه البيت وفعلا راحوا لابونا
واول مابونا فتح دخلوا ودار الحديث دا :
+ الشاب:معلش يا ابونا سامحني
+ ابونا: انت مين يابني
+ الشاب: انا اللي كنت خطفت منك العمه
+ ابونا : اه روح يابني ربنا يسامحك
+ الشاب: ايه دا الي علي الحيطه دا
دا الظابط الي قبض عليا انا واصحابي وجابني القسم
+ ابونا ابتسم وفرح قوووووي وقاله
+++ دا مارجرجس الظابط بتاعتنا +++
شفاعتك يابطل تكون معانا.
الاسمبريد إلكترونيرسالة