recent
أخبار ساخنة

مريم فتاه مسلمه تثير ضجه على الانترنت بصورتها مع كاهن انا بفرح جدا لما بشوف قسيس وببتسم تلقائي حقيقي

انا بفرح جدا لما بشوف قسيس وببتسم تلقائي حقيقي هذا ماكتبته فتاه مسلمه جميله اسمها مريم تعليقا على صوره سيلفى التقطتها مع احدى الكهنه فى الشارع 
الصوره نالت اعجاب الكثيرين جدا و خلقت حاله جميله من المحبه عبر مواقع التواصل الاجتماعى بين عنصرى الامه مسلمين و اقباط
واليكم اعزائى زوار موقع اقباط مصر ماكتبته مريم وصديقاتها على الفيسبوك تعليقا على الصوره
شوفته وانا ماشيه وابتسمت تلقائي حتي هو استغرب من ابتسامتي  
ترددت مع نفسي 3 ثواني وانا ماشيه اروح اسلم عليه واتصور معاه حتي لو مفيش معرفه و كنت خايفه من ردة الفعل
بس روحت وقولتله هو طلب غريب بس انا عاوزة اتصور واسلم علي حضرتك لو امكن 😍



رحب واتبسط جدا وطبعااا واتصورنا وسلم عليا بقي هو مبتسم من الموقف وانا مبتسمه اني اتصورت وسلمت عليه 😍
انا بفرح جدا لما بشوف قسيس وببتسم تلقائي حقيقي❤❤
كل الكلام الجميل ده اللي متيطلعش غير من قلب نقي جدا بيحب الكل كتبته مريم على الصورة 😍
اصدقائها بقى كتبوا كلام جميل برضو فامثلا
صديقتها رنا كتبتلها كومنت وقالت فيه :
انا نفس الموضوع بردو😍😍
وبفرح جداا اما اشوف كنيسه وبحب افضل مبحلقه فيها كده ،، بحس ان ماما لو خدت بالها هتقولي ده انتِ مش بتبحلقي ف الجوامع كده😂😂😂😂
بس حقيقي نفسي اخش كنيسه جدااا بحس ان شكلها جميل كده وكإنها مزار سياحي عادي حتي كنت بسأل مستر مره هو ينفع ادخل اصلي ف كنيسه؟؟❤❤❤❤
وصديق ليها اسمه احمد كتب : 

وشه بشوش ❤️
وصديقتها شروق كتبت :
مره شوفت اتنين حلوووووين بغباء والله ومبتسمين وماشين يتكلموا مع الناس و تلقائين جداا 🙈🙈💙
كنت عايزه اقولهم حتي انهم مبهجين بس اتكسفت 😂
وكتبت صديقتها هاجر :
فكرتيني مره ركبت تاكسي وكان قسيس راكب جمب السواق وركبت وكان بيكلم بنته طريقه كلامه حلوه جدا معاها ف كان مفروض انا هنزل اول جزيزه العرب ف مكنش معايا فاكه وكان التاكسي عاوز 8 ج فدفعلي وفضل يقولي خلاص دانتي زي بنتي وزي الملايكه ربنا يسعدك يابنتي حبيته اوي 😂😍
google-playkhamsatmostaqltradent