هاااااااااام جدا للبنات خصوصا فى اسكندريه
خدمة اكثر البوستات انتشارا على مواقع التواصل الاجتماعى
موضوع الخطف في مصر تعدي كونه حالات فردية وأصبح #ظاهرة للأسف بتهددنا كل يوم ⛔
ولحد ما نلاقي حل للموضوع ده في حاجات لازم ناخد بالنا منها :🚫
١-مبدئيا كدة متعملوش خير 🚯
أه والله متعملوش خير.. واحدة وقعت ف الشارع أو أغم عليها متقربيش منها أخرك تنادي علي راجل من بعيد يساعدها وتمشي وتسبيها ومتقفيييش
٢-لو حد حاول يوقفك يسألك ع طريق متقفيش امشي وسيبيه🚷
أكيد هيلاقي محلات أو راجل يسألهم ولو ملقاش وكانت نيته سليمة يبقي حظه وحش بس أرجوكي متساعديهوش حتي لو كانت ست كبيرة أو حتي طفلة صغيرة
٣-متركبيش تاكسي ويكون راكب جنبه حد وحاولي علي أد ما تقدري متنزليش تركبي قدام علشان تركبي ناس ورا 🚕
٤-حتي المشاريع مبقتش أمان بس الناس اللي بتركب مشاريع أضعف الايمان حاولوا متركبوش ف الكراسي اللي ورا خالص وحاولوا تاخدوا رقمه تبعتوه واتس اب او مسج لاي حد تعرفوه 🚐
٥-خليكوا ديما علي تواصل بأهلكم بأماكن تواجدكم متتحركوش من مكان لمكان كدة عشوائي من غير ما تقولوا لحد 📱
٦-الناس اللي معاها عربية اول ما تركبوا العربية اقفلوا اللوك ومتنزلوش منها تحت اي حال لو حد قاللكم العربية بتولع كملوا مشي بيها لحد أقرب بنزينة ومتفتحوش شباك اللي جنب السواق للآخر 🚗
٧-حاولوا يكون معاكوا self defense وده طبعا مش الإليكتريك لإن ده ممكن يتاخد مننا ويأذونا احنا بيه، أنا بشوف ان أسلم حل نجيب بايجون بتاع الصراصير العبوة الصغيرة ونخليه ف ايدينا ولو لا قدر الله حصل أي حاجة في عين اللي قدامك ع طول مترحمهوش وفي تركيبه بتتعمل عبارة عن فلفل اخضر وفلفل اسود وشطة مطحونين وتحطي عليهم ماية وتحطيهم ف اي بخاخة عندك ♨
٨-في برامج بتتحط ع الأندرويد بتحدد مكان الشخص ولو موبايله اتقفل بتحدد اخر مكان كان فيه "هعمل بيهم حصر وهنزلهم" خليهم معاكوا ديما وخللوا موبايلاتكم شغال فيها النت علي طول 📱
٩-حصنوا نفسكم ديما بدعاء الخروج من المنزل وأدعية الصباح والمساء وخللي أهاليكم يدعولكم قبل ما تنزلوا من البيت ☝
وأخيرا وليس آخرا #للبنات أرجوكم متعملوش خير ، و #للذكور اللي ف مجتمعنا أرجوكم استرجلوا شوية احنا لما لقينا مكانكم فاضي خدناه، وبقينا نقوم احنا بأدوار الشهامة والشجاعة فبقينا فريسة لأصحاب القلوب المشوهة المريضة، لما تلاقوا بنت بتصوت أو بتستنجد بيكوا متسيبوهاش وانجدوها... ✋💪🏃
في أقل من شهر لناس أعرفهم بس حالتين اختفاء: واحدة منهم تم خطفها هي وابنها وتم اغتصابها، والتانية لحد دلوقتي مفيش أخبار عنها + محاولة اختطاف مرات أخويا وكان معاها ابنها والحمدلله ربنا ستر 🙈🙊
ربنا يسلم الجميع ويسلم طريقنا 🚥⚠ #خطف_البنات #اسكندرية