لو لقيتي واحدة بتقولك يا بنتى كلميني عيب كدة أنا زى أُمك مترديش عليها
محدش ياخد أى ورقة فية ريحة بيرفيوم من أى حد حتى لو قالك المحل جديد و ياريت تجربوا معانا أى نوع بيرفيوم الله أعلم أول ما بتشمية بيكون مُخدر و لا أية
لو ركبتى فالميكروباص و لقيتي واحدة جنبك بتقولك إلحقى يا بنتي فية حاجة علي هدومك صوتي و لمى عليها الناس لإن بيكون معاها واحدة وراها بتحطلك حاجة مخدرة علي الهدوم و إنتى بحُسن نية بتمسحيها بإيدك و بتشميها فبيُغمى عليكي وتقول للسواق دى تبعى و أغمى عليها وبعدين تاخدك و كان الله بالسر عليم
لو لقيتى طفل صُغير بيعيط فالشارع و بيقول أنا تايهة ملكيش دعوة بية أبوس إيدك
لو لقيتي ست كبيرة سواء قد مامتك أو نينتك واقعة فالشارع و بتصوت و عايزة مُساعدة بالله عليكي لتخليكي فـي حالك أظُن الرجالة كُلها هتكون موجودة فالشارع بلاش دور طرزان يظهر علشان بردو إنتى اللي هتتاخدى
لو واحدة وقفتك و قالتلك يا بنتي أروح إزاى للعنوان دا بردو مترديش أو قالتلك ممكن تقريلى الورقة دى بردو متروديش
ماتقفيش جنب أى توناية أو توكتوك أو تاكسى أو مشروع فاضى من فضلك
يوم ما تلاقى أى قلق من فضلك يا بنت الناس متبصيش و لا تقفى تتفرجى أمشى علي طول
أخيراً نصيحى ليكي لوجهة الله
بلاش دور الحماسة و الشهامة و تساعديهم لإنك إنتى اللى هتتخدى اللى بيعمل خير دلوقتي بيتخطف سامعة بيتخطف !