البابا تواضروس لاول مره يرد على سؤال سر انه ساعة تفجير طنطا و المرقسية قابل الرئيس السيسي و كان بيضحك معاه - صوت اقباط مصر

اخر الأخبار

اعلان

اعلان

الجمعة، 14 يوليو، 2017

البابا تواضروس لاول مره يرد على سؤال سر انه ساعة تفجير طنطا و المرقسية قابل الرئيس السيسي و كان بيضحك معاه

نتيجة بحث الصور عن البابا تواضروس
 اتضايقت من قداستك ساعة تفجير طنطا و المرقسية عشان قابلت السيسي و كنت بتضحك معاه و كان نفسي تصلي قداس العيد في الدير مش هنا
البابا : الرئيس بيحبنا جداً و كله محبة لينا مش كلام خالص ، لو عليه هيحرس كل كنيسة بنفسه لكن فعلاً في عهده حصلت حاجات كتير خالص ماكانتش بتحصل و فيه حاجات ماتتقالش ، مثلاً الكنايس اللي اتحرقت كلها اتبنت و اترممت تاني و اقول لك حاجه هتندهش منها ؟ فيه كنايس اتبنت في مناطق مافيهاش كنايس و اتسلمت بدون عِلمنا ولا عِلم اسقف و كهنة المناطق دي ! فهل اللي بيديلنا محبة نُقف ضده ؟! هل اللي عٙمٙل حاجات محدش قبله عٙمٙلها نيجي عليه ؟!
و بالنسبة للإعتكاف ايام سيدنا البابا شنودة كان ممكن يعتكف او يتكلم بقوة الكلام ده قبل الثورة عشان كانت الدولة قوية و ماكانش فيه اطراف تانية غير الدولة دلوقتي بقى فيه الدولة و الكنيسة و اعداء الدولة (عملاء الظلام) فهل تبقى الدولة طرف و الكنيسة طرف فيدخل عُملاء الظلام في النص و يستغلوا ده ؟؟ ولا نكون في صف الدولة و نتحمل المرحلة ؟ و برضه فيه حاجات بتتقال ماينفعش تتعرف من ضمن الحاجات الفريدة ان بعد حادث ليبيا الطيران طلع و رد ! في حادثة البطرسية في خلال 24 ساعة كانت ملابسات الحادث معروفة و الجُناة مقبوض عليهم كل دي حاجات مُطمئنة تخلينا نقف جنب الدولة و استحالة بابا الكنيسة يفرط في دم اولاده مهما حصل استحالة ابدااا
3- طب يا سيدنا برضه فيه ناس هاجمت قداستك عشان كلمة قٙوْل نٙعٙم تُزيد النِعٙم 😅
البابا : ازاي الكنيسة تقول لأ على دستور هي شاركت فيه و وافقت عليه ؟ و فيه فرق بين رأي البابا الشخصي و بين ان الكنيسة تفرض على الشعب رأي مُعٙيّن انا عن نفسي انتخبت حد و ليا حق التصويت لكن ماينفعش اقول انتخبوا فُلان كلكم احرار في اختياراتكم
4- يا سيدنا من ساعة الاختيار ماشوفناش يوم كويس 😂
البابا : مصر مستنيها خير كتير كتير خالص خالص صدقني الخير جاي و مصر في قلب الله ماتقلقش من الناحية دي خالص
( إجابته طمأنت القلب جداً )
5- يا سيدنا معلش بالنسبة لوثيقة معمودية الكاثوليك و حوار قداستك مع البابا فرنسيس هل فعلاً زي ما اتقال نصها اتغير ؟
البابا : ( فجأة شوفت البابا شنودة بيتكلم قدامي )
أمنية الكنيسة أن تصير واحدة كما تركها المسيح و أمنية كل الكنايس إن احنا نرجع واحد و كلنا بنسعى لده بالحوارات و ده اللي اتكتب في البيان اننا بنسعى جاهدين للوحدة النص واضح و ماتغيرش لكن المحبة ماتخليناش نتنازل عن عقيدتنا المحبة مش ضد العقيدة هل معنى إني مختلف معاك إني اكرهك و ما اكلمكش ؟ اني ابطل احبك ؟ دي وصية السيد المسيح لينا ؟ انت مثلاً افكارك غير افكاري في السياسة و في اشياء كتيرة هل معنى ده اني اكرهك ؟ لأ طبعاً مستحيل 
أُفاجأ بعد زيارة البابا فرنسيس بأقوال بأن البابا غٙيّر البيان !! غير صحيح بالمٙرّة
مافيش شئ اتغير و مافيش اعتراف بمعمودية اي من الكنائس الأخرى اطلاقاً حتى الآن و لكن نُصلي من اجل ذلك
6- طب يا سيدنا ناس كتير بتتهم قداستك بالصلاة مع أسقفة لوثرية في السويد و قراءتك للإنجيل هناك 
البابا : عشان تفهم الوضع هاقولك مثال ، هل لو شيخ زار المقر و الصلاة ميعادها جِه و قام يصلي هنا ، هيتقال البابا بيصلي مع المسلمين ؟؟
ثانيا انا جاتلي دعوة اني احضر الصلاة معاهم و أنا في السويد فحضرت بملابسي الرسمية (مش بملابس الكهنوت) زي الكنائس الأخرى لما بيبعتوا مُمثلين لهم يحضروا صلوات العيد معانا فلما اتطلب مني ألقي كلمة روحية لاقيت الكنيسة كلها من اولادنا الاقباط اللي جايين يشوفوا البطرك بتاعهم فقرأت مقدمة الانجيل بالقبطي و الانجيل بالعربي و ألقيت كلمة منفعة بالانجليزي و الوضع هناك مختلف هناك الكنيسة وظيفة و رئيس الاساقفة لييه مُرٙتٙب و بيتحال على المعاش و بيقبض معاش و معاه اساقفته نفس النظام حتى انا اجتمعت مع اساقفة سابقين منهم هناك زي الوزرا السابقين عندنا كده
فهل عشان حضرت يتهموني اني ضد الايمان و شاركت في الصلاة مع الوثنيين ؟ فوجئت بكٙم هائل من الانتقادات ثُمٙ اني احب اقول ان لا تدينوا لكي لا تدانوا الادانة صعبة جدا و ماتدخلش السما فهي تٙسْلِب حق من حقوق الله النقاوة و نضافة القلب تدّٙخٙل السما 
7- فيه ناس يا سيدنا بيقولوا في اي حادثة طائفية او اي موضوع يعمل شٙوْشٙرة إن البابا بعيد عننا و مش حاسس بينا
البابا : المُقارنة بتحصل دايماً بسبب وجودي بعد قداسة البابا شنودة قداسة البابا كان ذو كاريزما و بيحل كل الأمور بمفرده ، لكن انا لما جيت حبيت أنٙظٙم الأمور و ليِ طاقم سكرتارية كبير جداً و حينما يخرُج أحدهم للرد يكون هذا هو رد البابا لٙسْتُ بعيداً إطلاقاً و لكني لا أُريد أن ينفرد البابا بالإدارة فيتم إتهامي بالديكتاتورية
8- شكراً يا سيدنا 😊😍
البابا : انا اللي متشكر خالص خالص 
انتهى الحوار
#إلى_منتهى_الأعوام
#البابا_المتواضع

ليست هناك تعليقات:

إرسال تعليق

اعلان