هنبني كنائس من غير صلبان ...
ده قرار من حكومه البلد الموقره ان الكنائس هتتبني من غير صلبان عشان الصليب بيضايقهم ومفيش أجراس كنيسه عشان بتعمل ليهم صداع ...
طب حضرتك الصليب ده رمز عشان نعرف ان دي كنيسه ..
- هيتشال برده
طب حضرتك الجامع اللى جمب الكنيسه عليه هلال كده رمز برده زي الصليب ...
- شششش مالكش دعوه بحد خليك فى صليبك !!
طب حضرتك دى رموز دينيه عادي مش هتاثر على سلامه وأمن البلد
- .........
طب ياخى اعمل حساب ان انا واحد مش متعلم وجاهل ولا افقه شي في الحياه غير أنى عارف الكنيسه فوقها صليب والجامع فوقه هلال ...
- اعمل حساب ان حضرتك عندك اكتر من 112 الف جامع على مستوى الجمهورية وانا عندى 2300 كنيسه بس
- اعمل حساب الوحدة الوطنية اللى بقالنا زمن بنسمع عنها ومش بنشوفها ولا هنشوفها خالص
- اعمل حساب ان الكنيسه مش بتدق الأجراس غير 6 او 7 مرات في الأسبوع مش كل يوم 5 مرات
حاول توزن بين كل حاجه .. عايز تعمل كنائس بدون صلبان اعمل جوامع بدون هلال برده
عايز تشيل الأجراس من الكنائس ... شيل مكبرات الصوت من الجوامع برده
اعمل كل حاجه بالتساوي ما تخلنيش احس بفرق ده لو انت عايز زي م بتقول ان احنا واحد ..